Overnatting

Bestill eit opphald på vakre Groven

Nyt eit opphald på vår sjarmerande camping

Hos oss finn du eit utval hytter, tilrettelagde bubilplassar og plassar for campingvogn og telt. Vel det alternativet som passer best for deg. Me har også fleire fasilitetar, som leikeplass, badedam, båtutleige og strand med flytebryggje og stupetårn ved Ormtjønnvatnet like ved. Campinga er bygd etter terrenget og har fleire nivå, noko som gjer plassen lun og skjermande.

Hytter Camping

Nyttig informasjon:

Innsjekk hytter:

Frå kl. 14:00 i lågsesong.
Frå kl. 15:00 i høgsesong.

Utsjekk hytter:

Fram til kl. 12:00 i lågsesong.
Fram til kl. 11:00 i høgsesong.

Utsjekk bubilar, vogner og telt:

Fram til kl. 12:00.

Hytter

Me har ti fullberga heilårshytter med sengeplass til fem gjestar, inkludert stoge med open peis, kjøken og bad.

I sommarhalvåret har me ti enkle campinghytter med sengeplass for to til fem gjester.

Bestill opphald

Stor hytte

Me tilbyr ti nyrenoverte heilårshytter med kjøken og bad.

Hyttene har to soverom – eit soverom med enkel køyeseng og det andre med familiekøye (underkøya er 120 cm brei).

Stoge med hjørnesofa, 43” TV og peis med open eld, kjøken med innlagt vatn, komfyr, kjøleskåp, kaffitraktar og spisbord. Enkelt bad med dusj og toalett samt bu med fryseskap, ved og vaskesaker.

Obs!
Hund er tillat, men ikkje i senger og på møblar.
Det er ikkje tillat med sovepose eller lakenpose i hyttene våre, berre reint sengetøy.

Me tilbyr:

Me tilbyr: (Stor hytte)

Sengeplassar: Fem stykk, fordelt på to soverom.
Kjøkenkrok med komfyr, kjøleskåp, oppvaskmaskin, kaffitraktar og vannkokar.
Stoge med komfortabel hjørnesofa, peis og TV.
Bad med toalett og dusj.
Utemøblar.
Parkering ved hytta.
Gratis Wi-Fi.

Lita hytte

Tømmerhyttene våre er ombygde gamle tømrar frå Groven gard og nærområdet, og står på eit lite idyllisk tun. Tunet inneheld trev, låve, loft, stabbur, eldhus og «dobbelhytte».

Loftet er truleg ei av dei eldste campinghyttene i Noreg, med sine 700 år.
Hyttene har enkel standard, eittroms med kjøkenkrok, kokeplate og kjøleskåp, elles ikkje noko utstyr. Sanitæranlegg må nyttast for kjøken og bad. Oppsett av køyesengene varierer noko sidan nesten alle hyttene er ulike.

Du finn puter og dyner i hyttene, og det er lett tilkomst til leikeplass, geiter og badedam.

Obs!
Det er ikkje tillat med sovepose eller lakenpose i våre hytter, berre reint sengetøy.